ixir bararka sarifka iyo Maceeshadda xalka ugu wanaagsan ee lagaga bixi karaa waxa weeyaan qodobadan

 soo socda:- 1. Bankiga Dawladda oo loo magacaabo Gudoomiye iyo Agaasime guud oo Ehlu

Cibaado ah kana fog Tuugadda iyo Balwadaha Maanka dooriya ee kala duwan sida qaadka,sigaarka,

qamriga, xashiishadda iyo zinada, 2. Gudoomiyaha iyo Agaasimaha la Magacaabay waxay meesha ka

saarayaan agaasime waaxeedyaddii hore u joogay si bankigu uu u noqdo bank ay ka hawlgalaan

Masuuliyiin Ehlu Cibaado ah oo ka fog balwadihii aan kor ku sheegay, 3-Xukuumaddu waa inay aamintaa

inay bankiga dhigato lacagta adag ee wadamadda Shisheeye inagu caawiyaan iyo wixii xakhal qalin ah,

 

4. Bankigu waa in loo sameeyo qayb sarif ah oo muwaadinkasta iyo ganacsade kastaa ay lacagta adag ka

sarifan karaan, lacagka Slsh loogu bedeli karo gacanta dambe, Sarifka bankiga ee gacanta horena uu

noqdo 7000 slsh, gacanta dambena 7200 slsh, Sariflayaashuna gacanta hore loo gooyo ama ay ku

sarifaan 7200 slsh, gacanta dambena 7500 slsh, Sariflaha qiimaha bankiga u hogaansami waaya lagala

noqdo ruqsadda sarifka, laguna xukumo sadex sano oo xadhig ah iyo ganaax lacageed oo dhan

50,000,000 slsh, konton milyan slsh, una dhiganta 6944,44 usdollar lix kun sagaal boqol afartan afar dollar, afartan iyo afar

filis, 5. Ganacsatada, Muwaadiniinta wadanka ku sugan, qurbajooga , Xukuumadda madaxdooda iyo

hayadaha ajaanibku waa inay aamini karaan inay bankiga lacagahooda adag dhigan karaan, kana

samaystaan buug xisaabeed ama accoun book, 6. Bankigu waa inuu mushaharka M/wayne, M/wayne ku

xigeen, Golaha Wasiiradda, Golaha Barlamaanka, Golaha Garsoorka, uu ku siiyo mushaharooyinka Slsh,

7. Ganacsatadu waa inay Muwaadiniinta kaga iibiyaan Raashinka, Bagaashka, gawaadhida, guryaha,

guryaha kiradda lagu jiro, hotelada la seexdo ama laga cunteeyo, tigidhadda dayuuradaha , baasaboorka

iyo fiisayaasha ,Jagooyinka ama baloodhada wax lagu kala iibsado ama lagu kala kiraysto ay noqdaan

lacagta Somaliland, 8. Bankigu waa inuu shaqaale bankigi oo la aamini Karo dhigto Xawaaladaha

lacagaha adag lagu soo xawilo oo dadka biilayda ah biilkooda loogu bedelo slsh, 9. Ganacsataddu marka

ay doonayaan inay dibadaha wax ka soo iibsadaan waa inuu bankigu xidhiidh la leeyahay bankiyada

ganacsigeenu gaadho ama bankigu leeyahay kayd aad u wayn oo lacagta adagi ay taalo, ganacsaduhuna

aanu dhibaato kala kulmayn markuu dollar uu dibadda ugu safro uu doonayo, 10. Bankigu waa inuu ku

dhiirigeliyo kuna adkeeyo shirkadaha qaadka inuu lacagta itoobiyaanka ah ugu bedelo, 11. Bankigu waa

inuu ku dhiiri geliyo Wasaaradda Maaliyadda qaybaheeda kastamada iyo cashuuraha berriga inay

joojiyaan dollarka ay qaadaan una bedelaan slsh, 12. Bankigu waa inuu xareeyo lacagta shanta kun iyo

kunka shilin, wakhtiga loo baahdana la soo daayo, lacagta suuqa ka shaqaysaana ay noqoto shan boqol,

boqol, iyo konton shilin, 13. Bankigu waa inuu awood u leeyahay inuu dhiiri geliyo beeralayda oo uu

dhaqaale kabis beerahooda ah u samayn kara, wadankana ka mabnuuco khudrada, hadhuudhka,

galayda, digirta, digaaga iyo beedka dibadaha laga keeno si beeralayda loo dhiiri geliyo wadankuna isku

filaansho u gaadho,14. Bankigu waa inuu awood u leeyahay sidii loo dhiiri gelin lahaa xoolo dhaqatada

iyo kaluumaysatada loona qoondayn lahaa dhaqaale lagu kabo tacabka culus ee ay qaranka u hayaan,

15. Bankigu waa inuu awood u leeyahay inay shirkadaha E-dahab iyo Zaad lacagta ugu wayn ee la isu

xawili karaa ay noqoto 100 dollar, boqol dollar.

Shan iyo Tobankaas qodob haddii uu ka midho dhaliye  M/waynaha  Jamhuuriyadda Somaliland Mudane

Muuse Biixi Cabdi oo uu noqdo M/wayne ku dhac leh, oo uu noqdo M/wayne  go,aan leh, oo uu  noqdo

M/wayne  baahiyaha kala duwan iyo duruufaha  ku gadaaman  Shacabwaynaha  Somaliland, Shaqaalaha

Dawliga,  Shaqaalaha shirkadaha  gaarka loo leeyahay, Shaqaalaha  Muwaadiniinteena  u Shaqeeya

Hay’adaha  Ajaanibka, Ciidamadda kala duwan  ee Somaliland, Mudane  M/wayne  guul aad iyo aad u

Wayn  ayey  kuu noqonaysaa  Wadan wuxuu horumar ku gaadhaa marka uu helo  M/wayne  garanaya

Inuu  cod shacab ku soo baxay  oo danta  ganacsatadda ka  hor marinaya danta  Shacabwaynihiisa iyo

Ciidamadda  Qaranka, wadankaasi wuxuu noqdaa  wadan ka dhisan  arrimaha asaasiga ah oo leh 

Beero, Xoolo, Kaluumaysi , Ganacsi  xawli ku socda  iyo  Ciidamo  Awood leh  oo aan la loodin Karin.

Qalinkii: Saxafi  Madax- Banaan Qoraa: Axmed-Sakatuuri  Aadam  Cadhood  Hargeisa Somaliland Rep.